من طرف to0oty الثلاثاء نوفمبر 22, 2011 3:02 amأول شي : عجينة البف
عجينة البف من أنواع السمبوسك الخاص بأهل المدينة
وعلا الأرجح هوا بخاري الأصل والمنشأ p:
يجي احيانا بدقيق عادي واحيانا مخلوط مع دقيق بر .
ايش يميزها ؟
منفوخة جدا + حشوتها قليلة + سماكتها أقرب للنحيفة + عجينتها بعد القلي
تتكون من طبقتين عجينة وقشرة + بعد ماتتقلي تكون مليانة فقاقيع
+ لاهي طرية ولا هي مقرمشة وسط بين الاتنين + ماهي شاربة زيت ابدا .
هادي هيا مواصفات البف الناجح
[ مقادير عجينة البف وطريقتها ]
( أي جملة أحط عندها * معناتو أنها نقطة مهمة جدا في البف )
- 3ك دقيق كويتي (المفترض طحين سعودي بس انا الاقيها أطعم بالكويتي) .
- 2 م ك سمنة (مش مليانة لأ وسط ) أو 4 م ك زيت نياتي . (طبعا بالسمنة أطعم
)
- بيضة مخفوقة
- 1 م ص مليانة ملح
- موية دافية
- اول شي حنخلط الدقيق والملح .
- نحط الدهن ( سواء سمن او زيت ) بالتدريج وكل مرة نفرك عشان الدهن يوصل لكل الدقيق ويتغلف بيه .*
- نضيف البيضة ونخلط .
- نبدأ نضيف الموية بالتدريج حبة حبة ونستنا شويا نعجن
وبعدها نضيف اول ماتبدا العجينة تصير كتلة وحدة STOP
عشان لازم العجينة تكون قاسية نوعا ما .*
( أحيانا نضيف الموية بالتدريج وخاصة في عجانة الفود بوسيسور
لين تتجمع ثم نوقف ولكن نلاقي العجينة في النهاية لينة !! طب كيف كدا ؟!!
أنا أقلكم :
العجينة شبعت موية من زمان لكنها كانت محتاجة شوية دف منكم
يعني لو مسكتوها بيدكم حتلاقوها اتجمعت واتعجنت علطول
لكن بالفود بروسيسور كانت حركتها بطيئة حبتين
والموية الزيادة هيا الي خلتها تتزحلق وتكمل دوران في حوض العجانة..
عشان كدا نضيف شوية شوية الموية ونستنى ثم نرجع تاني نضيف ..
أنا عن نفسي أضيف الموية بالملعقة ..
طب ليش أصلا لازم ماتكون طرية ؟
عشان بعد القلي ماتكون طرية زيادة وعشان تطلع الفقاقيع + العجينة اللينة متعبة جدا في الفرد لانها حتتقطع بسرعة وتاخد دقيق كتير وكدا حتنشف)
- بعد ماعجنا العجينة لازم نخليها ترتاح عشان يسهل فردها خاصة انها بدون خميرة
فالوقت المناسب ساعتين راحة ..
بس لازم نحمي العجينة من الهوا طوال الوقت هادا عشان لاتنشف
فندهنها بشوييية زيت او نرشها مسحة دقيق ونغطيها ونخليها في غرفة مكيفة .
عجينة البف من أنواع السمبوسك الخاص بأهل المدينة
وعلا الأرجح هوا بخاري الأصل والمنشأ p:
يجي احيانا بدقيق عادي واحيانا مخلوط مع دقيق بر .
ايش يميزها ؟
منفوخة جدا + حشوتها قليلة + سماكتها أقرب للنحيفة + عجينتها بعد القلي
تتكون من طبقتين عجينة وقشرة + بعد ماتتقلي تكون مليانة فقاقيع
+ لاهي طرية ولا هي مقرمشة وسط بين الاتنين + ماهي شاربة زيت ابدا .
هادي هيا مواصفات البف الناجح
[ مقادير عجينة البف وطريقتها ]
( أي جملة أحط عندها * معناتو أنها نقطة مهمة جدا في البف )
- 3ك دقيق كويتي (المفترض طحين سعودي بس انا الاقيها أطعم بالكويتي) .
- 2 م ك سمنة (مش مليانة لأ وسط ) أو 4 م ك زيت نياتي . (طبعا بالسمنة أطعم
)- بيضة مخفوقة
- 1 م ص مليانة ملح
- موية دافية
- اول شي حنخلط الدقيق والملح .
- نحط الدهن ( سواء سمن او زيت ) بالتدريج وكل مرة نفرك عشان الدهن يوصل لكل الدقيق ويتغلف بيه .*
- نضيف البيضة ونخلط .
- نبدأ نضيف الموية بالتدريج حبة حبة ونستنا شويا نعجن
وبعدها نضيف اول ماتبدا العجينة تصير كتلة وحدة STOP
عشان لازم العجينة تكون قاسية نوعا ما .*
( أحيانا نضيف الموية بالتدريج وخاصة في عجانة الفود بوسيسور
لين تتجمع ثم نوقف ولكن نلاقي العجينة في النهاية لينة !! طب كيف كدا ؟!!
أنا أقلكم :
العجينة شبعت موية من زمان لكنها كانت محتاجة شوية دف منكم
يعني لو مسكتوها بيدكم حتلاقوها اتجمعت واتعجنت علطول
لكن بالفود بروسيسور كانت حركتها بطيئة حبتين
والموية الزيادة هيا الي خلتها تتزحلق وتكمل دوران في حوض العجانة..
عشان كدا نضيف شوية شوية الموية ونستنى ثم نرجع تاني نضيف ..
أنا عن نفسي أضيف الموية بالملعقة ..
طب ليش أصلا لازم ماتكون طرية ؟
عشان بعد القلي ماتكون طرية زيادة وعشان تطلع الفقاقيع + العجينة اللينة متعبة جدا في الفرد لانها حتتقطع بسرعة وتاخد دقيق كتير وكدا حتنشف)
- بعد ماعجنا العجينة لازم نخليها ترتاح عشان يسهل فردها خاصة انها بدون خميرة
فالوقت المناسب ساعتين راحة ..
بس لازم نحمي العجينة من الهوا طوال الوقت هادا عشان لاتنشف
فندهنها بشوييية زيت او نرشها مسحة دقيق ونغطيها ونخليها في غرفة مكيفة .
( زيت أو دقيق ؟ انا عن نفسي احب الزيت
لانو يمنع القشرة الي تسويها العجينة وفنفس الوقت أنا ما أبغا خواصالعجينة تتأثر بالزيت عشان كدا حيكون مسحة خفيفة يادوب تأدي الغرض أما الدقيق نفس الشي شويييية لان كترتو حتيبس العجينة)
+
( أحيانا بعد مانطلع العجينة من العجانة تكون حارة بفعل الحركة السريعة
فمجرد مانغطيها وخاصة بكيس نايلون او قطعة بلاستيك
حنلاقيها رطبت وندّت وأثرت ع العجين من ناحية الطراوة عشان كدا ننتبه)
( أحيانا بعد مانطلع العجينة من العجانة تكون حارة بفعل الحركة السريعة
فمجرد مانغطيها وخاصة بكيس نايلون او قطعة بلاستيك
حنلاقيها رطبت وندّت وأثرت ع العجين من ناحية الطراوة عشان كدا ننتبه)
تاني شي تجهيز البف : حضري طاولتك النضيفة + سكينة لتقسيم العجينة + عجلة تقطيع البف + فرشة وموية + الحشوة وملعقة صغيرة + صينية تحطي عليها حبات البف الي جهزناها. دحين ياحبايبي جهزنا العجينة وخليناها ترتاح .. جا وقت الفرد والتشكيل . زي ماقلنا فوق سماكة عجينة البف أقرب للنحيفة .. إذا حاتفردي بالنشابة فالله يعينك .. وإذا حاتفردي بماكينة الباستا فياسعدك وياهناك  هههههاذا كنتي تسوي السمبوسك دايما أنصحك يكون عندك ماكينة الباستا تختصر الوقت جدا + يكون شغلك أرتب وأنضف . نرجع تاني للفرد: النشابة : - تقسمي العجينة 4 أقسام عشان يسهل عليكي الشغل . - ترشي شوية دقيق وتبدأي تفردي على شكل مستطيل طويل وخلي السماكة أقرب للنحيفة . - كدا صرتي جاهزة للحشو والتطبيق . ماكينة الباستا : ( حاوريكم الخطوات بالصور ... الي تعلق على روعة الصور وجودتها ونقاءها وروعتها ياويلها  هههههه عاد اعذروني النيكون حقي وافتها المنية و مالنا إلا كاميرة الجوال  + مركز تحميل شمواه مدري اشبو مو راضي يفتح !!) قبل البدء باللت والعجن نقطة مهمة جدا * (كثرة الدقيق تخرب العجينة .. اذا شفنا سمبوسك مشققة معناها انو الدقيق كثير عشان كدا ننتبه بس مايصير مانحط دقيق ابدا !! لأ نرش شي خفيف مرة يعني اول مرة انا ارش الطاولة رش عادي لكن نفس العجينة قبل الفرد عشان لاتلصق في بعض ارش خفيييف ت عرفوا كيف لمن تنفضي يدك من الموية زي كدا تماما .. اصلا العجينة لمن ما تكون طرية رح تساعدك وماحتلصق عليكي وبكدا يقل استعمالك للدقيق ) - نقسم العجينة ل 4 أقسام متساوية - ناخد القسم الاول ونرشو بخفة شوية دقيق . - حنستعمل 3 أرقام في الماكينة ( 2 ثم 4 ثم 6 ) نبدأ ونحط العجينة في رقم 2 وكدا حيكون شكلها :  نلاحظ ايش ؟ انو الأطراف ماهي متساوية .. واحنا نبغاها على شكل مستطيل عشان يكون شغلنا متساوي ونضيف طب ايش حانسوي ؟ - حنطبق الطرفين نفس الصورة بالزبط  ونرجع ندخلها بالطول علا رقم 2 وبكدا صار عندك مستطيل مرتب  - بعد كدا ندخلها على رقم 4 - ثم ندخلها على اخر رقم الي هوا 6 بس ننتبه انو دحين حتكبر العجينة وتطول واحنا مانبغاها تلصق وتمسك فبعض فإيش نسوي ؟ اول مايبدا طرف العجينة يطلع من الجهة التانية نبدا نسحبو حبة حبة لين يطلع كلو نفس الصورة تماما .. لأنكم لو سيبتوه يخرج من الجهة التانية فوق بعض احتمال انكم لمن تفردوه ع الطاولة ماتقدروا تفكوه =/  - دحين نفرد المستطيل دا اع الطاولة ونبدا نوزع الحشوة في الطرف الي تحت بس نسيب حوالي 1سم عشان لمن نقفل العجينة . - كمية الحشوة ماتكون كتيرة مرة . - المسافة بين الحشوة راجعة لكيف تحبي عرض حبة البف انا احبها مربعات صغيرة أحسها أشيك وفيها بركة اكتر  - نجيب الموية والفرشة ونبدا ندهن الأطراف عشان تلصق الموية شوفوا الخطوط الحمرا في الصورة هادي أماكن الموية الي دهنتها .. مع مراعاة انو الدهن خفيف وبشكل رفيع .. لأنو كل ماعرضتي مساحة الموية والعجينة لصقت فبعض هادي الجزئية ماحتنفش مع القلي .  حتسألوا ليش مادهنت موية في الجهة الي تحت ؟!! ببساطة لأنو مايحتاج وكترة الموية حتلخبط الدنيا .  - دحين نطوي نص العجينة الي فوق على النص الي تحت ونضغط ع الأطراف عشان تلصق بالموية . - انتبهي لا تضغطي بين الحشوات !! لأنو لو لصقت بشكل عريض ماراح تنفش زي ماقلنا .. خلي الموضوع لعجلة التقطيع هيا حتزبط المسائل  - دحين نجيب العجلة ونبدأ نقطع العجينة ونفصل الحبات . وحاولي تتكي يدك وانتي تمرري العجلة عشان تنفصل العجينة من اول مرة ولا تجلسي تعيدي وتزيدي وتتمطمط العجينة . - يصوا بأة إزاي قطعناهم  - حاولوا اي زوايد دقيق ع العجينة تنفضوها .. جربوا مناديل القلي نفضوا بيها الزوايد حتلاقوها بح اختفت علطول .. لأنو ممكن الدقيق هادا ينحرق مع القلي ويعطي طعم مو حلو + حيسوي طبقة ع البف - دحين خطوة مهمة جدا إذا حتقلي البف علطول فاستنيني اغلق من دي النقطة اما اذا كنتي تبي تفرزيه فحطيه على صينية وخليه لين يجمد في الفريزر ثم حطيه فأكياس وفرزيه لكن المهم هنا الصينية الي حتجمديه عليها لازم تحطي شي يمنع التصاق البف بالصينية يا إما ترشي دقيق أو تحطي ورق واكس او بارشمنت الي هوا وأنا أفضل التاني ( بوخر عن الدقيق بالقوة ههههه )وبعد كدا نيجي لأخر شي .. لا لسه قبل الأخير الي هوا : القلي . عاد الي سويناه كوم والقلي كوم تاني هههههه لأنو من أسرار البف طريقة قليو - لازم الزيت حامي جدا ( بس مو لدرجة الحريقة  )لأنو اي حبة حتشرب زيت ماحتنجح معاكي ولا حتكون فقاقيع . - مانكتر الحبات في الزيت يادوب 4 حبات على القلاية الكبيرة عشان نقدر نقلي براحتنا (مدري ليش ماصورت خطوات القلي  عموما اتخيلوا المنظر لوول )- اول مانحط البف نبدا نصب الزيت بالملعقة على وش حبة السمبوسك لين تكون الفقاقيع وبعدها نبدا نقلب باستمرا عشان تحافظ على نفختها . - اول ماتحمر شيليها علطول وصفيها . أنا صورت حبتين ع السريع عشان كنت بفرز الباقي لرمضان بإذن الله .. الله يبلغنا وإياكم واحنا في أحسن حال يصو ع الحلاوة بصو .. ياصلاة النبي  منقوووووووووووووووووووووووووول |
» ام سامي خبيرة التجميل شاملة
» خبيرة التجميل رقم 1 بالمملكة العربية السعودية
» ارقام تحتاجينها ( كوافيرات - خياطات - مصورات ........)
» شي شفته بالزفه وااااو
» شرح كامل للوحة المفاتيح (keyboard)
» طبقات القرفة الباردة بالكريما
» اكواب حلى الذهب
» حلى بمذاق ناعم وبسيطه مزينه بالفلك
» احلى دولاب احذيه
» كل مايخص اشغال الصوف
» أخَـاف أحڪي وآنـا مَخنوُق وأبڪي وُأستِحي منِّي
» ســــــــــــ ج ـــــــــــــل دخــــــــــولكـ بأســــــــــــــــــــم بلــــو تـــــــــوث
» فتاة عرضت مفاتنها امام شاشة الكمبيوتر فراها ابن عمها فماذا فعل ؟؟؟؟
» ملك السعودية سيم سيم قمر
» صاحب السمو الطالب الكريم
» مرااااحل تحطيم البنااااااااااااات ..
» لو معك قطعة فحم شنو تكتب ع الجدار..
» مراحل حياة باربي
» طريقة تصميم شعار stc