موضوع قمة بالتميز والجنون: All about Brushes و أخييييرا كل مايخص فرش المكياج

الحين نجي لموقع كوستال سنتس ..
هالفرش إذا ما لقيتوها في كوستال سنتس..
غالبا بتلاقونها في موقع كراون برشز..
ميزتها إنها متنوعة و أسعارها في متناول الجميع..
بس مشكلتها أساميها مدري كيف..
عموما شوفوا شكلها تعرفونها في موقعهم



هالمجموعة جدددا جميلة.. تميل شوي للخشونة..

1
أفضل فرشة بالنسبة لي.
جدددا رائعة في البرونزر و البلش..

2
(هي نفسها 3 مدري وش خلاني أعك الدنيا خخ)
بلش.. و ممكن برونزر

4
للكونتور.. و ممكن للبلش أو الهايلايت..

5
نفس فكرة و استخدامات رقم 2 اللهم أصغر..




و نفس هالمجموعة اللي خشب غامق..

1
هالفرشة نفسسسسسسسسس فرشة الدمج حقت ماك بالضبط..
و الدليل على قوتها إني شارية منها حبتين زي ما تشوفون..
ممكن للظل ع الجفن كله بشكل خفيف
ممكن للدمج طبعا.. و تنفع للكونسيلر..


2
من فرش الظلال المفضلة عندي..
و ممكن تستخدم للكونسيلر لو تحبون..

3
الفرشة شعراتها ناعمة بس واقفة.. مرررة حلوة..
تصلح للآيلاينر أو للحواجب.. و ممكن للكونسيلر حول الحواجب عشان تتضبط..

4
هالفرشة طبعا يا للحاجب أو للآيلاينر ..



هالمجموعة جدددا بطلة..

1
الفرشة هذي للظل و كبيرة شوي..
و دايم أي فرشة ظل كبيرة و منفوشة شويتين توزع الظل بشكل نااااعم ع الجفن كله..
و حلوة للدمج طبعا لو تبين الظل يكون مرتب..
ممكن تستخدمينها في تثبيت الكونسيلر بالبودرة..
و ممكن بعد تستخدم لكونتور الأنف.. أو للهايلايت في الوجه بشكل عام..

2
فرشة ظل بطلة *نقطة*

3
الفرشة مرة تجنن.. و فيه زيها في ماك تمام بس هذي أرخص طبعا..
هي تستخدم لوضع الظل في الزاوية الخارجية للعين crease
و حجمها ممكن يساعدك في تمويه الكحل سواء تحت أو فوق العين
و ممكن للدمج تستخدم..

4
الفرشة الجبااااااارة للآيلاينر الكريمي..
تخلي رسم العين و لا أسهل.. لأنها معكوفة فما رح تحتاجين تلفين يديك و هيك..
و شعراتها رفيعة.. يعني ممكن تسوين خط نحييييييف أو عرييييض بكيفك..
فيه نفس الفكرة في إنجلوت


5
هذي الفرشة النونو.. خخ
شريتها و طلعت مرررررررة صوغننة..
حلوة إذا بتحطين فيها ظل فاتح في زاوية العين الداخلية..




هالفرش للعين.. بس حجمها كبييير شويتين..
كاندي جونسون تستخدم رقم 2..
لأن منطقة الجفن عندها مرة كبيرة و تحتاج شيء يساعدها في الظل بسرعة..

1
للظل و الهايلايت تحت الحاجب..

2
لدمج الظل.. ممكن تحطين فيها طبقة خفيفة من الظل البيج أو الذهبي ع العين كلها
لأنها زي ما قلت منفوشة و بتساعدك تخلين الظل خفييييييف..
ممكن تستخدم للهايلات و لكنتور الأنف برضو..

3
فرشة ظل .. تنفع لحط الظل ع الجفن عادي.. ممكن تدمجين فيها بعد..




هذي نففففففس استخدام اللي قبلها رقم 2..
جبتها وردية عشان أعرف إنها حقت البودرة اللي أثبت فيها الكونسيلر تحت عيني
و ما ألخبط بينها و بين اللي قبل حقت الظل..



هالفرشتين أعشقهم عششششق..

1
ممكن للظل.. و ممكن للكونسيلر.. أسخدمها أنا للكونسيلر..
ناااعمة مرة..

2
هذي ممتااازة للظل في الزاوية الخارجية للعين crease
و تنفع للدمج و خصوصا الألوان الغامقة..
و ممكن تحطين فيها الظل ع الجفن كله..
يا بنات ناااااعمة نعووووومة.. و بنفس الوقت شعراتها واقفة تسهل عليك التحكم فيهم..



فرشة الفونديشن الضخمة..
قعدت أستهبل و سويتها زي الفيس.. ههههههههههههه
المهم.. أنا مب من الناس اللي أحب أحط الأساس بفرشة..
بيدي أحسن..
بس هذي حلوة إذا تبين تحطين على وجهك و رقبتك التان و هيك
حجمها كبير و ناعمة..
و طبعا تصلح للفونديشن..




فرشة فونديشن عادية.. ما عليها زينة .. أستخدمها مرات للكونسيلر
أو للكونتور بالكونسيلر الغامق أو الفاتح..


و أخيرا الكابوكيّة المذهلة..



أنا ودي أرسل لهم أطلب كميات كبيييييرة و ألصقها ببعض و أسويها مخدة ..
>> يعني مرة ناعمة خخ
هذي شعراتها كثيرة..
تصلح لتوزيع الأساس السائل و دمجه..
و الأساس المينيرال برضو..
للبرونز.. و ممكن البلش (بس بحذر)
و ممكن لدمج البلش أو البرونز.. يعني مرات تحطين كثير و تتوهقين..
هذي تدمجه و تخفف من البلش أو البرونز..


فرش كوستال سنتس تلاقونها هنا :

يتبــــــــــــــــــــــــــــــــع

هالحين دور الفرش اللي ممكن نشتريها من السوق..

خلونا نبدأ بفرشتين عندي من سيفورا



ما غسلتها توي
هذي زي ما تعرفون ممكن تستخدم للأساس..
ممكن للبلش الكريمي.. و حتى البلش العادي ممكن..
أي فرشة تجي مكونة من نوعين للشعر.. غالبا تستخدم للمنتجات الكريمية أكثر..



هذي لو ما تقدرين تشترين إلا فرشة وحدة للعين..
بأقول لك خذي هذي..
سعرها بحول الـ 80 ريال
بس ممكن تحطين فيها الظل.. و تدمجين..
و سواء كان الظل عادي أو لووس..
فرشة من أروع ما يكون..

طيب الحين للفرشة الوحيدة اللي عندي من ميك أب فور إيفر
و هي فرشة الفان برش :



هذي أضخم فان برش و أكثرها شعر ..
تنفع للبودرة.. تنفع للهايلايت..
و ناعمة جدا.. بس ترى مب مرة ضرورية في المكياج
فإذا ما تبينها مب لازم..
بس أنا كان نفسي فيها و ما قاومت
يجي معها بلاستيك مقاسها يحميها في السفر و هيك..


الحين فرش ذا بودي شوب..
عندي 3 فرش منهم..



1 و 2
هي فرشة البلشر اللي عندهم..
بس رقم 1 بشكلها الجديد و رقم 2 الشكل القديم اللي من 6 سنوات تقريبا..
هي ما عليا للبلشر.. و للبرونزر..
بس أنا حبييييييييتها أكثر للأساس و التان يوم أحطه على وجهي..
و تنفع للبلشر الكريمي ..


3
ممكن تستخدم للحواجب.. و ممكن للظل تحت العين..
ممكن تموهين فيها الكحل تحت أو فوق العين..
ما تصلح للكحل الكريمي لأنها شوي كبيرة و شعرها كثير..
شريتها من زمااااان.. عشان كذا شكلها من الشكل القديم المطفي


عندهم فرشة كبييييرة تشبه رقم 1 و 2..
مررررررة روعة شكلها.. بس ما أتوقع أشتريها لأن فرشي كثير زي ما تشوفون


و بما إن بودي شوب و مكياجي تبع بعض.. أحب أقول ترى فرش الوجه حقت مكياجي
جربتها في المحل و باين عليها بطلة.. و فرشة الآيلانر ممتازة حقتهم..


طيب نجي الحين لفرش أدور ADORE اللي تنباع في سنتر بوينت



1
هالفرشة تقهر
عندي أختي تهبببببل و عندي مب زينة..
تصلح للبلش و الكونتور..
إذا بتشترونها افتحوها و جربوها على يديكم..
مرات تجي ممتازة و ما يطيح منها شعر
و مرات شعرها يهرهر و يطيح..

2
فرشة خفيفة تصلح لدمج الظل.. و ممكن تحطين فيها طبقة خفيفة من الظل ع الجفن كله..

3
فرشة الظل العادية.. عندي منها ثنتين..
في الصورة وحدة من قدام و وحدة من الجنب
حلوة للظل ع الجفن.. مالها وظايف كثيرة..


الحين فرش ميشا..
ميشا عموما ما فيه إلا هالفرش الزينة و الباقي عادي...



1
هي الفرشة عريضة شوي بس مالت ويا التصوير و مبينة نحيفة..
هالفرشة ممتازة في الظلال اللووس (البقمنتس) و أي فرشة تجي زي كذا
واقفة شعراتها و طوال.. غالبا تصلح للبقمنتس و القليتر أكثر..

2 و 3
نفس الشيء هم.. بس مرة شريت وحدة و عجبتني و شريت منها وحدة ثانية
الثانية جت شوي أنحف من الأولانية بس كلهم ممتازين
للظل تحت العين.. و لتمويه الكحل فوق و تحت العين..

4
فرشة شفايف زينة..


يتبــــــــــــــــع

و الحين المفاجأة الكوووبرررراااااااا
فرش محلات أبو ريالين..



و من هنا أحب أتكلم شويتين عن نقطة مهمة..
السعر و الماركة مب مهمة..
أهم شيء في الفرشة إن الكواليتي حقها ممتاز..
و إن شعراتها ناعمة..
لأنك بتحطين مكياج مب بتسوين تقشير ههههههههه
و الفرش الخشنة تضر البشرة و تخدشها بدون ما تحسين..
و عشان تعرفين الفرشة تناسبك و لا لا..
جربيها على خدك.. إذا ملمسها ناعم خذيها أيا كان سعرها..
زي ما تشوفون فوق.. هالفرش أستخدمه دايم و مناسبتني حيل و هي من مهجة..
محل مهجة أبو ريالين ما غيره

و الحلو بعد في محلات أبو ريالين.. إنك تلاقين الفرش اللي استخدام واحد و ترمينها..
في الكيسة تجيك 10 حبات بريالين..!! يا بلاش...!
و بعض الفرش صعب تتنظف.. فأحسن تشترين هالمجموعة و تستخدمينها و ترمينها

زي مثلا هالفرشة حقت الحواجب و الرموش..



أعرف بنات يشترونها من ماك مدري بكم...!!
و هي بريالين.. و جودتها عجيبة..
هنا كلوس أب.. شوفوا :






نفس الفكرة لمشط الحواجب و الرموش..
مرة صعب تنظيفه.. غير إنه ما يعيش عندي مدة طويلة..
فقلت أشتري مجموعة نفس فكرة اللي قبل



و هنا كلوس أب :



يعني مرة .. مرتين بالكثير و ارميها..!

و برضو أحيانا الظلال أو الأكحال.. تبين تموهين أو تدمجين..
ممكن تشترين هالفرش اللي زي الإسفنج..
هي موجود منها فرش عادية تشترينها.. بس صعب تنظيفها..
برضو أبو ريالين خذي لك مجموعة أحسن.. استخدميها مرة أو مرتين بالكثير و ع الزبالة



زي ما تشوفون أستخدمها بكثرة..
و هنا كلوس أب :



فيه نفس الفكرة بعد فرش للروج.. و فرش صغار للظلال ..


يتبــــــــــــــــــــــــــــــــــــــــــع

بالنسبة لتنظيف الفرش..
فيه نوعين من التنظيف..

شيء تنظيف بسيط و تعقيم شبه يومي و يسمونه spoot cleaning
و شيء تنظيف عميق مرتين أو 3 بالشهر.. و يسمونه deep cleaning

صورت لكم منتج من سيفورا.. اللي هو شامبو للفرش
للتنظيف العميق طبعا :




فيه نفس العللللبببة تمام للتنظيف اليومي مع قاتل للبكتيريا..
daily brush cleanser
بصراحة مدري وين العلبة.. شكلي نسيتها في جدة..
فـ جبت لكم صورته من النت..




طيب.. الحين نشرح شوي كل طريقة منهم..

نبدأ بالتنظيف اليومي و القاتل للبكتيريا.. spot cleaning
هذا ماله إلا البخاخ اليومي اللي قلت لكم عليه من سيفورا..
و أحسن شي تسوينه إنك ل ما استخدمتي فرشة ظل أو آيلاينر و هيك
علطول تنظفينها بالبخاخ.. و لأن فه كحول بينشف بسسسرعة
و ممكن شويتين و تستخدمين نفس الفرش ..
و لو ما استخدمتيها علطول.. تبقى لك نظيفة للمرة الجاية..
عني أنا التنظيف هذا السريع غالبا لفرش العين..
أتكسل كل الفرش

أقل فرش أنظفها هي فرش البلش و الروج..
و ما أنظفها يومي حتى...!! أنظفها بالشامبو مرتين في الشهر.. في التنظيف العميق
أحس ما تتكوم عليها بكتيريا كثير و لا أستخدمها في منطقة حساسا زي العين
يعني تستحمل شووي...

طيب نجي الحين للتنظيف العميق deep cleaning
هذا بالشامبو اللي وريتكم فوق..
و لو ما عندك.. ممكن شامبو أطفال لأنه خفيف ع الفرش..
و يوم تغسلين الفرشة لازم يكون الشعر على تحت و اليد على فوق..
و ما تخلين الموية تجي ع المعدن اللي يمسك الشعر في اليد..
عشان ما يخرب و يروح الصمغ و تروح الفرشة في المشمش
بعد ما تغسلين الفرشة غمسيها في شوي بلسم..
و خليها على جنب في وضع أفقي..
كل وحدة تغسلينها بالشامبو غمسيها في البلسم و خليها
لين تخلصين كل الفرش و غسليهم بالموية..
تصير نااااعمة..
و حطيهم على منشفة بوضع أفقي أو الشعر يكون مايل لتحت شوي..
و خليها تنشف تمام و تصير مية المية..

جبت لكم كم فيديو يفيدكم

ليشا :

تيفاني :

آنكور :

فيه بعد شيء يسمونه برش قارد.. تكلموا فيه البنات في كم موضوع..
هو زي الغلاف يحمي الفرش في السفر أو في التخزين..
بحيث ما يطير الشعر و يتقطع.. أنقذ فرشي من الهلاك و الله هههه
نسيت أصوره.. بس هنا معلومات أكثر عنه :

ليشا :

آنكور :

ينباع في كوستال سنتس.. و في تاجرات يبيعونه أعتقد..





يتبـــــــــــــــــــــــــــــــــع

الفرش أولا و أخيرا هي أدوات تساعدنا على تضبيط المكياج..
و مب شرط فرشة مكتوب عليها فرش بلش أو فرشة ظل
نستخدمها بس لهالغرض و لا بيقصون رقابنا ..

طوّعي الفرشة و استخدميها بالشكل اللي يبين عليك أفضل..!
لا يجي حد يقول لك عيب تستخدمين فرشة البلش للأساس..
أو فرشة الكونسيلر للظل ..
أو فرشة الشفايف للعين..!

هي في النهاية شعر محطوط على يد خشب و لا بلاستيك..
و أساميها اللي عليها انحطت عشان تساعدنا شوي..
مب تقيدنا..

هذا شيء..
الشي الثاني.. ربي عطانا أصابع .. و بصراحة مرات ألاقيها أفضل من فرش العالم كلها..
فما فيه مانع تحطين بعض المكياج بيديك..
بيقولون ويع مب متطورة...!! و لا قروية..!!
و خير..؟! أعرف ناس تحسب الفرش كل شيء في الدنيا
و من غير الفرش بلاش ميك أب من الأساس..

باليد سبحان الله تحسين بالكمية أكثر
خصوصا الكونسيلر و الأساس..
باليدين لاحظت إني أتحكم في الكمية و لا أكتل على وجهي زيادة..
رايي أنا طبعا .. إنت اللي يريحك زي ما قلت..
و مرات أدمج الظل أو اسحبه على برا بإصبعي عشان أشيل الزيادة اللي كثرتها..
مرات البلش الكريمي أوزعه بيدي.. و شانيل برونز يونيفيرسال نفس الشيء..
أحيانا القلوسات اللي تنعصر بدون فرشة أحطها على أصبعي و أربت تربيت ع الشفايف..
يعني لا تتجاهلين نعمة أصابعك أبد...!!

و أكرر للمرة الأخيرة المكياج لكل وحدة و طريقتها
أهم شيء النتيجة زينة..؟ بفرشة و لا بيد ما تفرق



ومع السلامه